Adineko familiakideak dituztenetzat ikastaro interesgarria

Erabiltzailearen aurpegia Aiurri 2008ko martxoaren 26a

Foru Aldundiko Gizarte Politikako Departamentuak eta Andoaingo Udaleko Gizarte Zerbitzuek, Sendian programaren bidez, "Mendekotasuna duten adineko pertsonak zaintzen dituzten familientzako prestakuntza ikastaroa" antolatuko dute.

Bi helburu nagusi ditu ikastaroak: zaintzaileek konfidantza eta segurtasun gehiago edukitzea eta mendekotasuna duten adineko pertsonak beren etxeetan jasotzen duten laguntza hobetzea.

Ikastaro hau gazteleraz (apirilaren 7tik 11ra) nahiz euskaraz (apirilaren 14tik 18ra) eskainiko da. Ordutegia: 15:00-17:00.

Landuko diren gaiak hauek izango dira:
  1. Laguntzazko gizarte-baliabideak eta ingurugiroaren moldatzea. Miren Lizeaga
  2. Mendekotasuna duen pertsona eta bere arazoak. Iñigo Agirre
  3. Ikuspegi legalak eta etikoak. Hurkoa Fundazioa
  4. Osasun, erizaintza eta laguntza teknikoei buruzko ikuspegiak. Icavi-Bikain
  5. Komunikazioa eta eriaxapen teknikak. Arantxa Sein
Izen-ematea Gizarte Zerbitzuen Zentroan egin daiteke, edo telefonoz, 943 304 343 zenbakira deituz.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!