Urtean zehar hainbat landaketa egingo da eta aipatu parkearen diseinua osatzen joan. Horretarako, sorabillako familia bakoitzari aukera eman nahi dio elkarteak landaketa eta zuhaitzen zainketa egiteko.
Aurtengoan 24 landare jarriko dira. Gehienak “gurpitzak” edo “kurpitxak” (arbutus unedo – madroño). Jakoba Errekondoren esanetan, Euskal Herri guztian, Sorabillan aurkitzen da “gurpitz” baso natural eta hedatu bakarra eta, beraz, zuhaitz hau izan daiteke auzoaren ezaugarrietako bat. Horrezaz gain, “hagina” eta “arteak” ere landatuko dira.
Etorkizunerako errespetua eta zaintza eskatzen zaio inguratzen den jende guztiari, landareok luzaro iraun dezaten.
Martxoaren 1ean, larunbatarekin egingo da Sorabillako “zuhaitz eguna”. Horretarako, auzo elkarteak “Sorabillatarren bihotza” izena eramango duen parke baten proiektua jarri du martxan Jakoba Errekondo adituaren zuzendaritzapean eta Andoaingo Udalaren Ingurumen sailaren laguntzaz. Astebete lehenago, otsailaren 23an, 09:00tan landaketetarako zuloak prestatu eta onduko dira.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!