50 umetik gora izan dira txirringa eta kaskoa hartu eta arratsaldeko lauetarako San Juan plazara igo direnak. Giro bikainarekin ospatu dute Sanmiel jaietan euria zela eta bertan behera utzitako bizikleta jaia. Txikienetatik hasita, ordulariaren aurkako froga banan-banan burutu dute plazan bertan antolatutako zirkuituan. Partaidetza ez da izan jaien barruan izaten den bezain ugaria, baina Urnieta Kirol Elkarteko antolatzaileak pozik agertu dira izandako erantzunarekin. Bukaeran partehartzaile guztientzako sariak banatu dira.
Urtearen azken egun honetan hamaika urte harteko haurrak izan dira protagonista San Juan plazan. Urtero Sanmiel jaietan ospatzen den bizikleta festa eguraldi txarra zela eta gaur arratsaldera atzeratu baitzen.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!