Duela astebete adineko bikote bat hil zen trenak harrapatuta (irakur, albistea), Urnietako tren geltokian. Ezbeharra errepikatu da gaur goizeko hamaikak aldera. Oraindik argitu ez diren arrazoiak tarteko, trenbidera erori den emakume bat kolpatu du Hernanitik zetorren eta Tolosaldera zihoan merkantzien tren batek. Garraiobideko gidariak emakumea ikusi, eta trena garaiz gelditzea lortu arren, ezin izan du emakumea kolpatzea saihestu. Ondorioz, Urnietako adineko emakumea zauritu da. Udal ordezkariak, suhiltzaileak eta ertzainak gertaera lekuan dira dagoeneko. Atestatua egiten dabiltza eta zauritutako emakumea ospitalera eramatekotan dira. Trenbidea ere zabalik da jada. Aste beltza, herriko tren geltokian.
Oraindik argitu ez diren arrazoiengatik, adineko emakume bat zauritu da merkantzien tren batek jota Urnietako tren geltokian. Treneko gidariak emakumea bidean zela ikusi eta garaiz gelditu arren, kolpea ezin izan du saihestu.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!