Eskenatokia, edozein etxeko egongela bailitzan antolatu zuten, alfonbra ezberdinekin, mahai gaineko argitxoekin…giro goxoa, gero etorriko zenaren aurrerapen gisa. Ordubete iraun zuen kantaldian zehar iaz argitaratu zuen bere lehen diskoaren errepasoa egin zuen; kantuetan hainbat hizkuntza erabiliz, euskara, frantsesa, ingelera…
Garbiñek bere naturaltasunarekin eta kantu gozoekin entzuleak poltsikoratzea lortu zuen. Dekorazioak ere horretan lagundu zuen. Diodanaren adierazle izan zen kontzertua bukatu eta argiak piztu zirenean, jendeak aulkitik mugitu gabe jarraitzen zuela… Zalantzarik gabe, Garbiñek etxeko egongelan geundela sinestarazi zigun han bildutako guztioi.
Berrogei lagun hurbildu ziren larunbat gauerako Saroben jarria zegoen zitara. Aiurri astekariak hiru urte bete dituela eta hori ospatzeko Garbiñe Insausti hernaniarraren kontzertua antolatua zegoen bertan. Gitarra eskuetan zuela etorri zen Garbiñe, baina ez zen bakarrik aritu, berarekin izan baitzituen maila handiko hiru musikari, Mikel Errazkin, Txema Garcés, eta Xabier López.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!