KANTU AFARIA ANDOAINGO BATZOKIAN
Hona, Andoaingo EAJren oharra:
Andoaingo lehenengo Batzokia 1907. urtean ireki zela eta, Andoaingo Jeltzaleek beren mendeurrenaren ospakizun-egitarauaren barruan, datorren apirilaren 20rako, ostirala, kantu afaria antolatu dute. Afaria, Andoaingo Batzokia elkartean ospatuko da, eta ondoren, Iñaki Eizmendi andoaindar abeslariak parte hartuko du. Iñaki, Andoainen jaio zen. Ahots gozoa eta oso zorrotza du, eta inprobisatzea gustatzen zaio, melodiari nolabaiteko bariazioak eta aldaerak bilatuz.
Bi disko kaleratu zituen Eizmendik. Lehenengoa 1977an, ondorengo izenburuarekin: 'Gureak ez diren kale isilen bi milagarren samina'. Madrilen grabatu zuen. Disko honetakoak dira bere kantarik ezagunenak: 'Ene maitea nauzu', 'Larra erdian' edo 'Gure jakintsuak'.
Bigarren diskoak, 'Zaldi erratu hatsa' izena du, 1980an argitaratua. Disko hau, 'Errobi' taldeko jendearekin burutu zuen. Honako hau, Euskal Herrian grabatu zuen.
Ez zuen beste diskorik grabatu. Kantagintza utzi zuen, eta gaur egun oso tarteka kantatzen du, omenaldietan eta horrelakoetan.
Mendeurreneko egitarauaren baitan, kantu afaria Iñaki Eizmendirekin. Afarian parte hartu nahi duen orok, Andoaingo Batzokira 943.59.26.01, edo 605.75.69.24 telefono-zenbakira dei egiteko oharra igorri du Andoaingo EAJk.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!