Hauexek atxilotu zituztenak: Andoainen Jose Angel Lerin Sanchez, Zizurkilen Itziar Agirre, Donostian Juan Carlos Herrador, Idiazabalen Iñigo Orue, Oionen Endika Zinkunegi, Uharte Arakilen Lorea Irigoien eta beste bat Harkaitz Agote da.
Jose Angel Lerin Sanchez goizean atxilotu du Guardia Zibilak Andoainen. Prentsara emandako informazioaren arabera, jatorriz iruindarra da 36 urteko Jose Angel Lerin eta 2005etik ihes eginda zebilen. 1996an eta 2001an espetxean egona zen kale borrokagatik. Dirudienez, pistola bat atzeman diote atxilotutako unean.
Zizurkilen atxilotutako Itziar Agirre Fraisoron ikasten duen gazte bizkaitarra da.
Belabi kaleko aparkalekuan Guardia Zibilaren dozena erdi bat patrol eta komunikabideetako kideak bildu ziren. Atxiloketa hau, polizia operazioa zabalago baten barnean egin zuten.