Beti-betiko postre goxoak
Eguberri jaietan, ohikoa izaten da mahaiaren bueltan elkartu eta otordu ederrak egitea.
Otordu horiei amaiera emateko, beti-betiko postreak jango dituzte egunotan etxe askotan.
Pausoak:
Lehenik eta behin, ura, ardoa eta azukrea kanela makilarekin irakiten jarri ordu laurdenez. Sagarrak eta udareak zuritu eta puska ertainetan ebaki. Fruitu guztiak gehitu irakindako saltsari eta ordubete inguruan egosi, osagai guztiak ondo egin arte. Noizean behin fruituak nahastea komeni da, ontziaren azpialdean itsats ez daitezen. Hoztutakoan zerbitzatu eta on egin!
Osagaiak (8/10 lagunentzat)
- 400 gr. errege sagar
- 400 gr. neguko udare
- Litro 1 ur
- Ardo beltz botilla 1
- 200 gr. mahats-pasa (hezurrik gabeak)
- 300 gr. aran-pasa (hezurrik gabeak)
- Kanela makil 1
- 250 gr. azukre
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!