Bestelako gaiak ere jorratuko dira, hala nola Amasa-Villabonako herri programaren nondik
norakoak; Gipuzkoan garrantzia duten gaiak (herrietako merkataritza, garraio publikoa, eskualdeetarako egitasmoak...); EH Bilduk dituen iritziak eta proposamenak...
Bertaratzen diren herritarrek galderak egiteko tartea ere izango dute. Ekitaldiaren amaieran jatekoa eta edatekoa izango dira guztientzat.
Amasa-Villabonako EH Bildutik ekitaldira gerturatzeko gonbidapena luzatu die herritar guztiei. Maiatzeko udal eta foru hauteskundeek aukera berriak ekarriko dituztela eta EH Bildu prest eta gogotsu dagoela herritarrekin batera, politika egiteko; beste modu parte-hartzaileago, gardenago eta demokratikoago bat martxan jartzeko, bai Gipuzkoan eta baita Amasa-Villabonan ere.