Eleuterio Tapiaren inguruko liburua aurkeztuko dute

Erabiltzailearen aurpegia Aiurri 2018ko aza. 26a, 01:00

Larunbat honetan Euskal Herriko Trikitixa Elkarteak eta Asteasuko Udalak aurkeztuko dugu Asteasuko Udaletxean Eleuterio bera zen festa liburua. Eleuterio Tapia trikitilariaren biografia jasotzen duen liburua da, eta Joxean Agirrek idatzi du. Liburuak Eleuterioren hainbat grabazio jasotzen dituen CDa ere badu. Eguerdiko 12:00etan egingo dute aurkezpen ekitaldia, udaletxean:

Liburuan, hainbat aipamen egin zaizkio oso gazte hil eta trikitilaria ere bazen Juanito Tapiari, Eleuterioren anaiari. Euskal Herriko Trikitixa Elkarteak urtero argitaratzen duen biografia sailean dago Eleuterio Tapiaren asteasuarrarena, eta Asteasuko Udalaren laguntzarekin argitaratu du aurtengoa.

 

Egitaraua

11:00, Iturri-ondo tabernan hainbat trikitilari elkartuko dira, herrian zehar kalejira egiteko.

12:00, Udaletxean aurkezpena.

  • Pili Legarra, Asteasuko alkate-anderea.
  • Joxean Agirre, liburuaren egilea.
  • Juan Tapia, Eleuterio Tapiaren iloba.
  • Agurtzane Elustondo, EHTEko lehendakaria.
Gizartea Asteasu
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!