Andoni Alvarezek, bere adierazpenean, nagusiki herrigintza hizpide izan zuen. Kultur, kirol edota gizarte mailan aritzen direnen defentsa egin zuen eta berak hortik metatu duen eskarmentua baliagarria izango zaiolakoan dago. Bere adierazpenak txalo artean jaso zituzten bertaratu zirenek.
Zumea kaleko Bilgunean egin zuten aurkezpen ekitaldia, ostiral iluntzean. Aretoa txiki geratu zen, eta hainbatek kanpotik jarraitu zuten aurkezpen ekitaldia. EH Bilduko Udal talde osoa bertan izan zen, eta baita afiliatu eta herritar ugari ere. Esti Mujika zinegotziak egin zituen aurkezpen lanak, eta Andoaingo alkategaiaren adierazpenaren ondoren Batzar Nagusietarako hautagai Juan Karlos Izagirrek hitza hartu zuen.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!