Dalia Nassar aski ezaguna da Palestinako herriak Israelen okupazioaren aurka daraman borrokaren baitan. Palestinako emakumeen eskubide zibilen defentsan diharduen Union of Palestinian Women Committees elkarteko kide aktiboa da.
Mundubat Fundazioa “Beste Jerusalem hori” izenburuko kanpaina ari da burutzen Euskal Herrian egunotan, eta Nassar zenbait hitzaldi eskaintzeko gonbidatu dute. Israelek Jerusalemko ekialdea okupatu zueneko 50. urteurrena betetzen dela gogoraraztea eta berau salatzea du helburu kanpainak.
Andoaingo Udalak adierazi duenez, Nazio Batuen Erakundeak behin baino gehiagotan gaitzetsi izan du lurralde okupazio hori, eta hala eta guztiz ere, bereari eutsi dio Israelgo gobernuak.