Giro bikaina egon zen abenduaren 28an UKEk antolatu zuen Gabonetako Torneoaren XII. edizioan. 300 pertsona baino gehiagok hartu zuten parte txapelketan. Emaitzei dagokionez, maila guztietan partidak borrokatuak eta mailakatuak izan ziren. Horrez gain, txikienek ere jokatzeko aukera eduki zuten; Urnietako eskubaloi eskolakoek Zumarragako Urola eskolaren aurka jokatu zuten.
Emakumezkoen jubenil mailako Gipuzkoako selekzioak Urnietako senior-jubenil mailako emakumezkoen aurka jokatu zuen; selekzioak irabazi zuen tanto bakar batengatik, 23-24.
Urnietako eskubaloi klubak eskerrak eman dizkie parte hartzaile guztiei eta laguntzaileei. Baita parte hartu duten kirol-epaileei ere.