Hori horrela, egitarauan ageri diren ekimenak antolatu dira. Hasteko, apirilaren 3an (larunbata) mendi martxa egingo dugu Bianditzera. Eskualdeko autobusa antolatu dugu; Irunberri tabernan izen emateko aukera dago apirilaren 1a bitarte. Izena ematerako garaian ordaindu beharko da, 6€ pertsonako.
Bestalde, apirilaren 10ean, Buruntzaldeko Independentzia eguna ospatuko dugu Usurbilen: Gazte olinpiadak eta kontzertuak izango ditugu. Bertarako izen ematea ere Irunberri tabernan egin dezakezue, 5€ren truke, apirilak 5a bitarte.
Amaitzeko, Bertso saiorako (apirilak 8) eta kontzertuetarako (apirilak 17) sarrerak, kartelean aurki ditzakezuen esteketan eskuratu ditzakezue.
Animatu parte hartzera!
