Helburua gure artean harremantzea denez, egitarauan horretarako ekintza desberdinak antolatu ditugu; gazte bazkaria, jokuak, kontzertuak eta bestelakoak. Gainera, Oñatiko Zentzu Okerra taldearen kontzertuaren ondoren herriko bi DJren pintxada egongo da; DJ Ibaiz8 & Louky eta DJ Dakiki. Hala, herriko artista berriei aukera emanez. Estilo desberdinetako musikariak ekarriko ditugu giro desberdinetako andoaindarrak batzeko.
Bestalde, “Hitzetatik ekintzetara, independentzia!” leloa aukeratu dugu. Izan ere, ezegonkorrak diren garai hauetan, eskuin muturraren oldarraldiari gazteok planto egin behar diogu. Antolatu eta mobilizatu egin behar gara aske bizi ahal izateko eta halako ideia erreakzionarioei aurre egiteko.
Horrenbestez, Andoaingo gazte orori animatzen diogu Gazte Egunean parte hartzera. Tiketak Ernaitza eta Irunberrin daude urriak 8, osteguna arte eskuragarri. Amaitzeko, argi utzi nahi dugu, ez egunean zehar ez eta gauean ez dela inongo erasorik onartuko, espazio seguru eta anitzak nahi ditugu.
Animatu gazte egunera!