2019an, aldaketa esanguratsuak ekarri genituen udalera. Zintzotasuna eta gardentasuna ipar, aurreko agintariek ezarritako hainbat elementu kaltegarri desegin eta herritarren ongizaterako neurri aurrerakoi eta ausartak hartu genituen: beharrezkoak ez ziren gastuak murriztu, Gizarte Zerbitzuak indartzea, udal tasa eta zerga justuagoak, etxez etxeko laguntza zabaltzea... Baina 2020-2021eko pandemiak, bere ondorio sozio-ekonomikoek eta azken bi urteetako prezioen igoera handiak, martxan genituen hainbat egitasmo atzerarazi dizkigu.
Datozen lau urteak giltzarriak izango dira Amasa-Villabonaren etorkizunerako. Hauteskunde hauetan bi aukera daude; EH Bilduren udal gobernuak hasitako bideari jarraipena ematea eta hobekuntzekin aurrera egitea gure herria etorkizunera begira jarriz, edo PNV-PSEk bikotearen iraganera itzultzea, non Amasa-Villabonatik kanpoko pertsonek gidatuko duten udala, auskalo zein interesen eta zein irizpideren arabera.
EH Bilduk helburu argi hauetarako lan egingo du beti: justizia soziala, benetako berdintasuna, pobreziaren aurkako borroka, herriko ekonomiaren sutapena, iraunkortasuna eta ingurumenaren babesa, herritarren parte hartzea, gure kultura eta hizkuntza bultzatzea...
Gure herria eta bertako jendea maite ditugulako!