Andoaingo EHBilduk Iñaki Igerategi andoaindarraren lan egoera salatu nahi du

Erabiltzailearen aurpegia

Iñaki Igerategi andoaindarra duela hamabost hilabete atera zen espetxetik bere kondena osorik bete ostean. Iñaki suhiltzailea da, eta Gipuzkoako Foru Aldundiak lanera itzultzea ukatu dio trikimailu juridiko bat erabiliz.

Andoaingo EHBilduren iritziz, guztiz salagarria den egoera bat da. Iñakik bere kondena osorik bete ostean, bere bizitza normaltasun osoz berreskuratzeko eskubide osoa du. Erabiltzen ari diren trikimailu hau mendekuan oinarritzen den bigarren kondena bat da. Hori dela eta, Andoaingo EHBilduk, asteazkenean, 11:00tan, Donostiako Epaitegi aurrean deitu den elkarretaratzearekin bat egiten du, eta herritarrei parte hartzera animatu nahi ditu. Iñaki lanera!

Andoainen, 2019ko maiatzaren 13an

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!