Egun hauetan herrian geratuko naiz. Eta, udan egin bezala, Etxebesteren postalak idazteari ekin diot. Oraingoan, ordea, eskean ariko naiz.
Eskatzen hasita (1):
Gabonak eta Olentzeroren etorrera baino gertuago daude Udal hauteskundeak. Eskatzen hasita, eserleku berriak –eta erosoak, ezin bestela– jarriko nituzke Bastero Kulturguneko auditorioan, egunotan alderdi eta erakunde ezberdinek eskuorriak-diptikoak-triptikoak-aldizkariak ekoizten aritu diren arintasun berdinarekin.
Sinatuta: Asteleheneko azken zinema saiora joateko ohitura dugun azken mohikanoak.
Hartzailea: Hauteskundeen emaitzen ondorioz agintean ariko den gobernu talde berria.