1. Lurraldeko senior gizonezkoa mailan, Urnieta Artola Harategia taldeak ligari ondo ekin dio. Soraluzeren aurka 23ko berdinketa lortu ostean, aurreko asteburuan garaipena lortu zuten Artalekun (27-30). Irungoen aurka partida zaila zen, gogoan baitzituen iaz izandako zailtasunak.
Hasiera-hasieratik partida serioa egin zuten urnietarrek, defentsan intentsitatez arituz eta erasoan asmatuz. Lehen abantailak lortu zituzten, baina ez zituzten atsedenaldira arte mantendu ahal izan, irundarrek markagailua berdindu baitzuten (13-13). Bigarren zatiaren hasieran UKEkoak izan ziren berriro ere alde txikia ireki zutenak markagailuan. Defentsak ia ez ziren existitzen eta bi taldeek erraz sartzen zituzten golak. Urnietarrek, halere, 3-4 goletako abantaila mantentzea lortu zuten. Azken txanpan, Txingudikoek ez zituzten urnietarrak larregi estutu, eta garaipena etxera eraman zuten.