Kiroldegi berriari ekarpenak

Erabiltzailearen aurpegia

Urnietako kiroldegi berriak baditu gabezia batzuk eta oraindik lanak erabat bukatu baino lehen, komenigarria ikusten dugu aipatutako puntu beltz horiek jasotzea eta publiko egitea.

Aldagelak: Komuna barruan. Higiene beharrei intimitate bermez aurre egin ahal izateko; haurrentzat pardelak aldatzeko lekua; entxufeak lehorgailuak edo antzekoak erabiltzeko (orain bi daude aldagelako), ile lehorgailuak (bakarra dago orain aldagelako), zakarrontzi desberdinak. Horia bakarra dago orain; dutxetan xaboiak uzteko apalak, orain lurrean utzi behar dira; ez dago leihorik edo aireztatze naturalik. Hau ezinbestekoa ikusten dugu.

Segurtasuna: Igerilekutik aldageletarako bidea irristakorra da bustia dagoenean. Tratamentua beharko luke.
Makina gelak: Makina piloa badago, baina leihorik ez. Aireztatze naturalik ez dagoenez, emergentziako atea zabalik uztea erabaki du egun hauetan erabiltzaileak. Aireztatze egokia ezinbestekoa dela garbi erakutsi digu pandemiak; Ispiluak: Ariketak egitean zuzen egitea edo ez, ispiluek erakusten digute.

Igerilekua: Kanpotik dena ikusten den itxidura dago. Honek intimitatearen babesik ez du ematen eta itxidurak kanpotik ikusten ez dena izan beharko luke; “Jan-edanen” postua: ez du inork hartu eta ez zaio irtenbiderik eman. Saiakera egin beharko litzateke.

Padel pistak: Sarea falta du

Beste kirolak: Badira urnietarrak ping-pong eta antzeko kirolak egiten dituztenak. Hainbeste metro kuadrok ematen dute galdeketa bat egin eta interesekoak diren jarduera gehiago jartzeko. 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!