Familientzako dantza tailerra, Larraulen

Aiurri 2025eko abenduaren 9a

Abenduaren 12an garatuko da dantza garaikide tailer familiarra. Gorputza mugimenduan esploratu, erritmoak partekatu eta talde konexioa bilatzeko tailerra. Familiei zuzendutako tailerra da, sei urtetik gorako haurrek har dezakete parte, eta haur edo talde familiar bakoitzak heldu baten konpainia behar du.

Marina Eskisabelek gidatuko du tailerra, 17:00etatik 19:00etara. Izena emateko, liburutegira jo daiteke edo 634 289 327 telefono zenbakira deitu.

Horrez gain, abenduaren 13an dantza ikuskizunaz gozatu ahal izango da herrian, 12:00etan hasita

Aldaketa dantza konpainiak Cápsula 0.1 ikuskizuna eskainiko du; Komorebi produkzioak taldeak Zuloa ikuskizuna taularatuko du eta Neskena taldeak Badoa ikuskizuna erakutsiko du Larraulen.

Kultura Larraul

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!