Ezinbestekoak dira auzolanera ohitutako boluntarioak, herriko jaiek aurrera egin dezaten, eta gaurkoan, Joxe Amonarriz, Juan Elola eta Begoña Saralegi ari dira sukalde-lanetan; hainbat lagun batu zaizkie laguntzaile gisa.
Gotzon Jauregi da sukaldeko hirukotearen laguntzaile horietako bat. “Deialdiak egin arren gero eta zailagoa egiten da jendea erakartzea herriko lanetarako; gaur, behintzat, mordoska bildu gara”.
Jauregi pozik agertu da hamaiketakoa nola irten den ikusita. “Armonia onean gabiltza sukaldean kuadrilla, eta nahiko da salda eta txorixo eta haragi-egosia oinarri dituen hamaiketakoa herrikideak batzeko mahai batena ingurua.
Bestalde, Jauregik gogorarazi du hamaiketakoaz aparte, kostilla jatea antolatu duela Katillu Txulo elkarteak gaur ilunabar-gauerako, eta horrekin badauka kezka pittin bat: “aurreneko aldia da antolatzen dela. Handia izan da eskaria egunotan, eta 80 bat laguntzeko egingo da azkenean. Ea dena ondo ateratzen den, ahaleginduko gara horretan!”.
