Irunberriko kanpina, Arangoitiko gailurra (1351m) eta Leireko Monasterioa zeharkatuko dituzte ibilbidean zehar: "Nafarroako Ipar-ekialdeko Zarikieta mendilerroa zeharkatuko da. Igoera erosoa da, pixka bat ibiltzen den edonork egiteko modukoa. Arangoitiko gailurrak, Zaraitzu arana iparraldera, eta Esako urtegia hegoaldera ikusteko aukera paregabea eskaintzen du".
Izen-ematea zabalik
Apirilaren 2a baino lehen eman behar da izena Ikasmin Akademian eta Kantoi tabernan. Izena emateko une berean egin behar da ordainketa. Bazkideek 5 euro, eta bazkide ez direnek 10 euro.
Joan etorria autobusez egingo dute, datorren apirilaren 6an. Mendizaleak Matxo tabernaren paretik irtengo dira, goizeko 07:30ean hasita. Mendi irteera egin eta gero, itzulera arratsaldeko 18:00ak aldera izango dela aurreikusi dute.