Urnietako Udalak On Manuel Antonio Antia literatur lehiaketaren deialdi berria martxan jarri du. Dagoeneko irekita dago lanak aurkezteko epea, apirilaren 12an amaituko dena. Lanak Lekaion bertan eskura eman behar dira, edo aukeran posta arrunta erabilita. Helbidea: Lekaio kultur etxea. San Juan plaza, z/g. 20130, Urnieta. DIN A-4 orrialdeetan aurkeztu behar da lana, alde bakar batean inprimatuta eta lerro arteko tarte bikoitza utziz. Hiru kopia aurkeztuko dira, egilearen arrastorik utzi gabe eta gutunazal itxi batean sartuta. Ipuinak izenburua izan beharko du, eta goiburua erabili ahal izango da.
Gai librea
Ipuinen gaia librea izango da, eta honako baldintzak betetzea ezinbestekoa izango da: Ipuina euskaraz idatzia egotea, beste lehiaketaren batean saririk jaso gabekoa eta argitara eman gabea.
Sari potoloak irabazleentzat
Helduen maila:
- Herrikoak nahiz kanpokoak aurkez daitezke lehiaketara.
- Luzera: 8-20 orrialde.
- 1. Saria: 1.800 euro.
- 2. Saria: 1.000 euro.
Gazteen maila:
- 12-16 urte artekoentzat.
- Urnietarrak edo bertako ikasleak.
- Luzera: 3-8 orrialde.
- 1. Saria: 500 euro.
- 2. Saria: 300 euro.
- 3. Saria: 150 euro.
Haurren maila:
- 12 urtetik beherakoentzat.
- Urnietarra edo bertako ikaslea.
- Luzera: 2-4 orrialde.
- 1. Saria: Tableta.
- 2. Saria: Ebooka.
- 3. Saria: Ebooka.