Azken jardunaldian garaipenarekin agur esatea ametsa zen. Maila horretara iritsita, ordea, lehia handia izaten da. Eta, beraz, ametsak betetzea zailagoa izaten da. Urnietarrek liga lehen postuan amaitu duen Errotaberri taldearen aurka ezin izan zuten garaipena lortu (22-32). Asteotan bizitako esperientzia, ordea, oso aberasgarria izan da.
Kadete mailako beste bi taldeek emaitza onak lortu zituzten. Neskek Jauja mutrikuarrak garaitu zituzten (20-19), eta mutilek Amenabar zarauztarrak (33-29).