Eteneta inguruan aurrerapauso handia emango da bai segurtasun eta baita estetika aldetik ere. Inguruan dauden linea elektrikoak lurrazpitik pasako baitituzte, horrela orain ikusgai dauden kableak desagertuko dira. Horretarako, igogailuaren obraren eskubiko partean dauden dorrea eta transformadorea kenduko dira, eta ezkerrekoa berriz, ordezkatu, bertan amaituko direlarik kable guztiak.
Etorkizunerako proiektuak
Oraingo proiektua hau izan arren, Udalak etorkizunean trenbideraino doazen linea elektriko guztiekin berdina egitea aurreikusten da. Horretarako, kanalizazio berri bat egingo da elizako atzeko aldean dagoen Yurramendi kalean, horrek ahalbidetuko baitu etorkizunean gainerako zatia kentzea.
