Urnieta Quel Abogados eskubaloi taldeak seigarren partida irabazi zuen jarraian asteburuan jokatutako partidan garaipena lortu ostean, 17-22. Taldeak lidergotzari eutsi dio, baina Egia taldea atzetik du bigarren postuari eutsiz, puntuen berdinketarekin. Garaipenaren giltza eduki zuten defentsa gogorra izan zen. Aurkariak, berriz, erasoan ez zuten asmatu eta defentsa ahula erakutsi zuten partidan zehar.
Gizonezkoen senior mailako taldeak, berriz, galdu egin zuen Muskizen aurka, 36-21. Bizkaitarrak sendo eta konfiantzarekin hasi zuten partida eta urnietarrek ezin zioten aurre egin. Bertakoek erasorako ideia faltak eduki zituzten eta defentsan ahul jokatu zuten Artola Harategikoek. Aurrera begiratu eta datozen partidei aurre egin beharko diete urnietarrek mailari eutsi ahal izateko.