Jubenil mailako Urnieta Indaux eskubaloi taldea Gipuzkoako txapeldun

Gipuzkoako txapelketa irabazi ostean, Urnieta Indaux eskubaloi taldeak Euskadiko Txapelketan parte hartu ahal izateko "play off-a" jokatuko du. Jubenil mailako gizonezkoen taldeak ere "play off-a" jokatuko du asteburuan Andoaingo Leizaran taldeari irabazi ostean. 

Emakumezkoen jubenil taldeak garaipen garrantzitsua lortu zuen larunbatean Pulpo taldearen aurka, 28-24. Indaux eskubaloi taldekoak Gipuzkoako txapelduna bilakatu ziren asteburuan, eta, beraz, Euskadiko Txapelketan jokatu ahal izateko "play off-a" jokatzeko aukera izango dute

Indaux taldeak partida bikaina jokatu zuen hasieratik amaierara; defentsa sendoa erakutsi zuten eta erasoan fin aritu ziren. Deskantsora 14-8ko aldearen iritsi ziren. Atsedenaldiaren ostean, berriz, zumaiarrek norgehiagoka estutu zuten eta gol bakarrera gerturatu ziren. Esanak esan, urnietarren hurrengo erronka Euskadiko Txapelketako datorren fasean garaipena lortzea izango da.

Jubenil mailako Urnieta Guria Jatetxea taldeak ere garaipen garrantzitsua lortu zuen Andoaingo Leizaran taldearen aurka. Urnietarrek partida osoan zehar hartu zituzten mendean andoindarrak, eta erabateko garaipena lortu zuten, 36-23ko emaitzarekin. Guria Jatetxea taldeak ere "play off" partida jokatzeko aukera izango du asteburuan lortutako garaipena dela medio.

Asteburu kaskarra senior mailako bi taldeentzat

Urnieta Artola Harategia taldeak ez du lortzen aurrera egitea. Txikipolit talde zarauztarra gailendu zen norgehiagokan, nahiz eta partidako une batzuetan markagailua orekatua zegoen. Esan bezala, lehen zati ona jokatu zuten, baina deskantsora hiru puntuko aldearekin iritsi ziren. Atsedenaldiaren ostean, zarauztarrek intentsitatea handitu zuten eta bost goleko aldea lortu zuten. Azkenean, partida 29-20ko markagailuarekin amaitu zen, eta kostakoek euren nagusitasuna erakutsi zuten.

Urnieta Quel Abogados emakumezkoen taldeak ere galdu egin zuen Eibarko taldearen aurka, 27 eta 18. Urnietarrek denboraldiko partida kaskarrena jokatu zuten; zenbait akats egin zituzten, eta erasoan ez ziren batere fin aritu. Dela dela, bigarren postuan jarraitzen dute, eta datozen partidak irabazi beharko dituzte postuari eusteko.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!