U30 Greba Orokorra

Grebaren eragin apala Urnietan

Goizeko 09:00tan industriguneetan lan jarduera nabaria da, eta Idiazabal kalean eta San Juan plazan ostalaritza zerbitzu eta merkatalgune asko zabalik daude.

Salesiar ikastetxean behera, Idiazabal kalean sartu eta merkatalgune asko zabalik daude: denda, zerbitzu, taberna eta kafetegiak zabalik daude. Taberna, jatetxe eta harategi ezagun batzuk itxita dauden arren, merkataritza jarduera nabarmena da Urnietako kaleetan. Udaletxe ondoko taberna eta kafetegi guztiak zabalik daude ere.

Industriguneetan lan jarduera nabarmena da. IAT-ITVa itxita badago ere, Erratzuko enpresa askotan langileak lanean daude.

“Lan, pentsio eta bizitza duina” izenburupean greba deialdia egin dute Euskal Herri osoan. Urnietarrak Hernanin deitu duten manifestaziora deituta daude, iluntzeko 19:00tan hasiko dena.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!