Koronabirusa

Urnietako Udalak herriko merkataritza baloratzeko kanpaina jarri du martxan

Urnietako Udalak komunikazio kanpaina bat zabaldu du herriko saltoki txikiak, ostalaritza eta zerbitzuak baloratzeko eta egoera konplexu hori gainditzen laguntzeko. Koronabirusak eragindako osasun krisiaren aurrean erakutsitako profesionaltasuna eta inplikazioa nabarmendu nahi izan du.

Esanak esan, Udalak bideo bat argitaratu zuen udalerriko saltokietako arduradunetako batzuen presentziarekin; orain, berriz, atal berezi bat sortu dute webgunean, herriko merkataritza herri bizi baten baliokidea dela dioen mezua herrikideen artean zabaltzeko.

"Profesional horiek guztiek behar-beharrezko lana egiten dute. Kanpainak eskertu egiten du lan hori, eta dei egiten die kontsumitzaileei salbuespen-egoera hau amaitutakoan berriz ere joan daitezen kaleen ardatza diren hurbileko saltokietara, frogatuta geratu baita, orain inoiz baino gehiago, oinarrizkoak direla Urnietaren bizirako" dio Udalak.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!