Urteko lehen Udal batzarraldian ostalaritzako establezimenduei terrazen tasak kentzea adostu zuten. 2021erako ordenantza fiskalak onartu zirenean, tasa horretan %50eko beherapena egitea onartu zen. Udalak adierazi duenez, "herriko ostalariekin bildu ostean eta Covid 19-aren ondorioz pairatzen ari diren egoera gero eta gogorragoa dela ikusita", tasa hori urte amaierara bitarte kentzea erabaki zuen. EAJ,PNV, EH Bildu eta PSE-EE neurri horren alde agertu ziren. Hiru alderdiek, bide batez, sektoreari babesa erakutsi nahi izan zioten.
Ordezkaritza duten hiru alderdiak proposamen horren alde agertu ziren, urtarrileko plenoan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!