Urnietako taldeak ezin izan zuen denboraldiko bigarren garaipena eskuratu, Mugarri-Ingou Arrasateren aurka 32-29 galdu ostean. Partidan atal ezberdinak eduki zituen, zeinak, maila handia erakustetik gutxiagora igaro ziren. Lehen zatian, sei goleko abantaila edukitzetik, sei goleko desabantaila izatera igaro ziren. Konpondu beharko duten aldaketa handia, irregulartasuna ardatz.
Porrota gogorra izan zen Urnieta Artola Harategia taldekoentzat, izan ere, maila izugarria erakustetik, guztiz menderatuak izatera igaro ziren. "Geurea talde gaztea da eta emaitza honek aurrera egin eta bilakaera ona edukitzen jarraitzeko balioko digu", diote taldekideek. Jada, Basauriren aurkako partidarako prestaketa lanetan hasi dira. Partida oso garrantzitsua izango da, puntuetan berdinduta baitaude.
Andoaindarrak garaile Urnietarren aurka, gizonezkoen jubenil mailan
Urnieta Guria Jatetxeak ezin izan zuen ligako lehen garaipena eskuratu, Andoaingo Leizaran taldearen aurka 30-28 egin ostean. Bi taldeak horrenbeste denbora jokatu gabe egon ostean, maila handia erakutsi zuten, eta norgehiagoka polita ikusteko aukera egon zen. Hala ere, andoaindarrak gehiago izan ziren.