Covid 19-a dela eta, Eusko Jaurlaritzak aisialdirako zehaztutako irizpideak aintzat hartuko dira, eta jarduera gehienak aire librean egingo dira.
- Martxoak 29: Gaztelekuaren irekiera DBHko nerabeentzat. 17:00-20:00 bitartean, Gaztelekua irekiko da gerturatzen diren nerabeak bertan jolastu, elkartu eta egon daitezen.
- Martxoak 30: Paintball-a Zubietan. DBH3ko eta DBH4ko nerabeei begira eskainitako irteera izango da, eta arratsaldez egingo da. Eguraldi txarra eginez gero, zinera joango dira.
- Martxoak 31: Eskulanak egingo dira Gaztelekuan, goizez. LH6 mailakoei zuzenduta egongo da.
- Apirilak 6: Gaztelekuaren irekiera DBHko nerabeentzat. 17:00-20:00 bitartean Gaztelekua irekiko da gerturatzen diren nerabeak bertan jolastu, elkartu eta egon daitezen.
- Apirilak 7: Hernanira arratsalde pasa. LH6 mailakoei bideratuta egongo da. Hernanin kirol txapelketak egingo dira parte hartzaileen artean.
- Apirilak 8: Eskalada Hernaniko Santa Barbara mendian. DBH1-DBH2-ko gazteei zuzendua. Egun pasa izango da. Eguraldi txarra eginez gero zinera joango dira.
- Apirilak 9: Donostira egun pasa LH6 mailakoekin. Urgul mendira igoko dira eta hondartzan jolasak egingo dituzte. Eguraldi txarra eginez gero, Antiguoko frontoian egingo dituzte jolasak.
Izena-ematea
Izena emateko Gaztelekura bertaratu beharko dira nerabeak martxoaren 23tik 26ra bitartean.
- Astelehen eta astearteetan: 17:00-19:30
- Asteazken eta ostegunetan 17:00-20:00
- Ostiraletan 17:00-21:00
Ekintzetan parte hartzeko ezinbestekoa izango da Gaztelekuko bazkide izatea, eta beraz, bazkide-orria bete beharko da. Halaber, irteeren kasuan gurasoen baimena sinatuta eraman beharko da.