Erremontea

Garaipen garrantzitsuak erremontista urnietarrentzat

Imanol Ansa urnietarra Sagardoaren txapelketan

Ansa eta Goikoetxea urnietarrak maila bikaina erakusten ari dira Sagardoaren Txapelketan. Bi erremontistek bina partida irabazi dituzte eta 8 puntu dituzte. 

Ansa-Labakak eta Goikoetxea-Aizpuruk garaipen garrantzitsuak lortu zituzten Sagardoaren Txapelketan. Lehen partidan Ansak eta Labakak garaipen garbia eskuratu zuten Urrizaren eta Zalduaren aurka (17-30). Gauzak horrela, Setien sagardotegiak bigarren garaipena lortu eta sailkapenerako 8 puntu batu ditu. 
 
Bigarren norgehiagoka Goikoetxea-Aizpuru eta Etxarri-Barrenetxea bikoteen artekoa izan zen. Gurutzeta sagardotegiak irabazi zuen (27-30). Barrenetxeak eta Etxarrik ez dute garaipenik eskuratu txapelketak. Goikoetxea-Aizpuru bikoteak, berriz, bi garaipen eta 8 puntu lortu dituzte. 
 
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!