Eskolako Agenda 21 zena, iaz Eskolako Agenda 2030 bihurtu zen eta Nazio Batuetako Erakundeak adostutako Garapen Jasangarrirako 17 Helburuetan oinarritzen da: pobrezia desagerrarazteko, planeta babesteko eta pertsona guztiei oparotasuna bermatzeko, besteak beste.
Iragan ikasturtean lehorreko ekosistemetako bizia izan zen hizpide. Helburu zabala izanik, basoetan oinarritu zen lanketa.
Aurtengoan, ostera, gai berria dute eskuen artean: zelaiak, larreak eta landare itsutasuna.
Ikasturtean osoan, eskola-komunitatean parte hartzen duen herritar orok gaiaren gainean hausnartzeko aukera paregabea izango du.