Bigarren bilera egingo da euskararen aholku-batzordea sortzeko

Aiurri 2021ko abe. 1a, 12:14
Deskargatu Info Ahotsak :
Español English Français Català Galego

Aurrera darrai euskararen aholku-batzordea sortzeko bideak, euskararen erabileraren normalizazioa xede. Irailaren 16an egin zen lehen bilera; jarraitu nahi den dinamikaren gaineko azalpenak eman ziren bertan. Euskararen aholku batzordearen barruan elkarrekin lan egingo duten hiru mahai desberdin eratzea da asmoa: mahai orokorra, gazteen mahaia eta hezkuntza mahaia.

Bigarren bilera bihar egingo da arratsaldeko 19:00etan Lekaio kultur etxean eta ondorengo gaiak aztertuko dira:

  • Hezkuntzako mahaiaren bileraren berri ematea
  • Euskara sustatzeko/normalizatzeko programen berri ematea
  • 2022ko Euskaraldia

Bilera irekia izango da, interesa duen edonori zuzendua, bai lehen bileran parte hartu zutenei eta baita parte hartu ez zuten pertsonei ere.

Euskara Urnieta
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!