"Harreman intimoen barrukietan begiratzea", horixe du helburu "Erik eta Win" obrak. Botere harremanetan barrena, beren esperientziatik abiatuta, emozioak ditu hizpide ikuskizunak. "Hain agerian ez dauden gakoak" aztertzen dituzte, baita gizon izateak dakartzan estereotipoak mahaigaineratu ere: "Gizon eredu berriak sortzea premiazko eginkizuna dugula islatzen da obran, eta, horretarako, erantzun zuzenik ematen ez bada ere, etorkizunera begiratzen duten urratsak xuxurlatzen direla esan liteke".