Udalerria dinamizatzeko eta Gabonetan Urnietako establezimenduetan kontsumoa sustatzeko helburuz, On Bizi merkatarien elkarteak diseinatutako eta Urnietako Udalak finantzatutako opari-txeke kanpaina gauzatu da.
Kanpainan parte hartu duten establezimenduetako batean edozein erosketa edo kontsumo egin zuten pertsonek txartel bat bete zuten establezimenduan bertan urtarrilaren hasierara bitarte.
Zozketa bidezko sariketa
Txartel horiek bete zituzten pertsonen artean opari-txekeak banatzeko zozketa egin zen urtarrilaren 8an Lekaio kultur etxean. 20 eta 30 euroko balioa duten opari- txekeak banatu ziren, horiek zein establezimendutan gastatu behar diren zehazturik. Bada, horretarako azken eguna otsailaren 28 izango da, izan ere, egun horretatik aurrera ez dute baliorik izango.