“TREBA Gurasoak” Gipuzkoako Foru Aldundiko Gazteria Zuzendaritzaren prestakuntza-ekimena da, eta gurasoak hezkuntza-gaitasunetan trebatuz, haurren eta nerabeen bizi-kalitatea eta aukerak hobetzea du helburu. Hain zuzen ere, ekimen horren barruan kokatzen da seme-alaben emozioek egunerokoan duten garrantzia azpimarratu, eta horiek kudeatzeko eta zaintzeko lehen urratsak azaltzeko balioko duen hitzaldia.
Emozioatik abiatutako hitzordua izango da, nondik datoz emozioak? Zertara bultzatzen gaituzte emozioek? Horrelako galderei erantzuteko beta emango du adituak. Horrela, metodologia dinamikoa erabiliko da (teoriko-praktikoa). Alegia, teorian oinarrituta, egunerokoan bizitzen diren egoerak landuko dira, esperientziarekin konektatzeko eta lanketa sakonagoa egin ahal izateko.