Hala, parte-hartzeko prozesuen funtzionamendua eta helburuak azaltzeko saio pedagogikoak jaso dituzte bi ikastetxeetako ikasleek, Jorge Segurado Urnietako Alkatearen zein Mikel Pagola zinegotziaren eskutik. Garbi azaldu zaie, bestalde, proposamenek balekoak izateko bete behar dituzten baldintzak zeintzuk diren.
Halaber, aurreko urteetan onartuak eta baztertuak izandako proposamenen gaineko adibideak jarri dizkiete ikasleei aurretik emaniko azalpenak adibide praktikoekin errazago ulertzeko.
Orain, bigarren lan-saio bat egingo dute LH6ko ikasleek, gela bakoitzak Udalari egingo dizkion proposamenak adosteko. Aurrekontu irekien parte hartze prozesura bideraturiko 150.000 euroetatik gutxienez 15.000 euro erabiliko dira ikasleek gauzaturiko proposamenak egiteko.