Sarrerei dagokionez, 5 euroko kostua izango du. Hala, urnietarrek zozketan parte hartzeko aukera izango dute, bina sarrerako lau sorta banatuko baitira, zoriz, herritarren artean. Izena emateko, Urnietako Udalaren webgunera edo APP-era jo daiteke, baita Sarobeko leihatilan bertara hurreratuta ere.
Sinopsia
Helburu zintzo bati jarraituz goretsi zenuen lurra.
Uzkurtu barik xukatuz beti itotzen gaituen ura.
Ozenki zabaldu zenuen askatasunaren haizea.
Jakin ezazu: Andra! Zu zara bukatzen ez den sua.
Kasilda Hernaez Vargas emakume iraultzaile euskaldunak guda zibilean eta bere bizitza osoan zehar ideia libertarioen eta bizimodu natural baten alde borrokatu zuen.
Antzezlan honetan bere bizipenetatik bidaiatuko dugu sentimendu hori jarraitzera bultzatu zuena bilatuz.
Fitxa artistikoa
- Zuzendaria eta idazlea: Saioa Iribarren Muñoz
- Antzezleak: Leire Orbe, Aiora Sedano eta Ander Basaldua
- Argiztapena: Miriam Ubanet (LoVeo)
- Jantziak: Zaloa Basaldua (AltrapoLab)
- Musika: Jon Urrutia (Trakamatraka)
- Publikoa: Heldua
- Iraupena: 60 minutu