Urnietakoa ez zen kasu isolatua izan, 1931ko apirilean Euskal Herriko beste udal askok ere (Azpeitia, Orio, Zestoa, Zumaia, Bermeo, Bergara, Errenteria, Hernani, Markina...., besteak beste) Euskal Errepublika bat eskatu zutelako Euskal Herriarentzat.
Gure historia hurbileko pasarte ezezagun hori gogorarazteko, eta Euskal Errepublikaren beharra gaur egun ere aldarrikatzeko, Naziogintza Taldeak (https://www.naziogintza.eus/) ekitaldi ireki bat ospatuko du maiatzaren 7an, goizean, Azpeitiko Herriko Plazan (12:00-etan). Azpeitiarrak, urnietarrak eta Euskal Herriko herritar guztiak gonbidatuta daude. Izan zirelako gara, garelako izango dira.