Ohikoa den bezala, bazkide egin nahi duten urnietarrek askotariko tarifak izango dituzte aukeran. Kuota orokorra 168 eurokoa izango da, urteko eta pertsonako. Abonu familiarraren kasuan, urte osoko kuota 254 eurokoa izango da. Dena den, urte amaierara arte bazkide egiteko aukera ere dago; kasu honetan, datozen 7 hilabeteetako kostua 114 eurokoa da pertsona bakoitzeko, eta abonu familiarraren kostua, aldiz, 174 eurokoa da.
Horren harira, honako talde hauek tarifa bereziak izango dituzte: 21 urtetik beherakoek, 65etik gorakoek, gazte eta ikasle txartela dutenek, langabetuak eta pentsiodunak. Hauen kasuan, urte osoko kuota 105 eurokoa izango da, beti ere beharrezko den dokumentazioa aurkeztuz gero. Urtea amaitzear dagoen honetan (7 hilabete) bazkide egin nahi badute, 72 euro ordaindu beharko dute.
Igerilekuko abonua
Igerilekuko udako abonuari dagokionez, banakako bonuak 53,83 euro balioko du, eta familiarrak, aldiz, 107,65 euro. Kasu honetan ere, badira kuota bereziak: 21 urtetik beherakoek esaterako, 10 sarrerako bonua erosteko aukera izango dute, 36,58 euroan; eta 21 urtetik gorakoek, 57,88 euroan. Udalekuko edo talde berezi bateko kide diren herritarrek aldiz, 4,01 euro ordaindu beharko dituzte, eguneko.
Beterriko zenbait udalerriekin akordioa
Era berean, Urnietako Udalak gogorarazi du Udal Kiroldegiko bazkideek Usurbil, Lasarte-Oria eta Andoaingo kirol instalakuntzak erabiltzeko aukera ere izango dutela, Beterriko udalerri horiekin duten akordioari esker.
Informazio gehiago jakiteko, egin klik HEMEN