Urnietako bost enpresek Euskadiko Turismoaren Kode Etikoaren zigilua eskuratu dute

Aiurri 2022ko mai. 26a, 12:58

Joan den astelehenean, Euskadiko turismo-sektoreko 530 erakundek eta profesionalek egindako lanaren aitortza jaso zuten, eta tartean izan ziren Urnietako bost enpresa. Hala, Euskadiko Kode Etikoa lortzeko izandako prestakuntza eta konpromiso-ibilbidea onartzen duen ziurtagiria jaso zuten. Beraz, Urnietako Altzibar-Berri Landetxea, Enbutegi Landetxea, HK10 Hotela, Montefrio Nekazalturismoa eta Oianume jatetxea Euskadiko Turismo Etikaren Erregistroan sartu dira.

Euskadiko Kode Etikoa Turismorako Munduko Kode Etikoaren egokitzapena da, aintzat hartzen baititu euskal kulturaren eta nortasunaren berezko ezaugarriak eta 2030 Agendan ezarritako Garapen Jasangarrirako 17 helburuak. Honako hauek, besteak beste

1- Bisitariekiko errespetua.
2- Berdintasuna, inklusioa eta tolerantzia.
3- Jasangarritasuna.
4- Toki tradizio eta kultura sustatzea.
5- Ondarearen zaintza.
6- Bikaintasuna eta profesionaltasuna.
7- Pertsonen eskubideekiko errespetua.
8- Sektoreko langileekiko errespetua.:

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!