Udaberrian iragarri zuen Gure Eskuk laster burutuko den Piriniotako bidea ekimena: “Uztailaren 2an, katalan eta euskal herritarrok 300 gailurretik gora argiztatuko ditugu Pirinio osoan zehar. Farol bereziak eta linternak baliatuz, argi-lerro bat osatuko dugu Higer lurmuturretik Creusera, Atlantikotik Mediterraneora, gure herrien autodeterminazio eskubidea aldarrikatzeko. Erronka kolektibo erraldoia izango da. Euskal herritarrok 115 gailur argiztatuko ditugu, Jaizkibeletik Benasqueraino, eta gailur horietan guztietan izen ematea zabalik dago”.
Beterri-Aiztondoko biztanldeek Munagirre mendia argiztatu behar dute. Oiartzunen dago, Artikutzara bidean. Andoain, Urnieta, Hernani eta Astigarraga udalerrietako biztanleei hara joateko deia luzatu diete.
Izen-ematea
www.gureesku.eus webgunearen bidez egin daiteke, baina Urnietako taldeak postua ipiniko du hurrengo egunetan:
- Ekainak 17, ostirala. 19:00, Guria ondoko plazatxoa.
- Ekainak 18, larunbata. 12:00, Etxeberri plaza.
- Ekainak 23, osteguna. 19:00, Guria ondoko plazatxoa.
- Ekainak 25, larunbata. Guria ondoko plazatxoa.