Euskaraldia dinamizatu beharko du hautatutako pertsonak bai eta horren barnean egingo diren hitzorduak antolatu ere. Honako zeregin hauek gauzatu beharko ditu, besteak beste: herriko eragileei eta herritarrei Euskaraldia ekimena aurkeztu eta prestakuntza eskaini, Euskaraldiko Batzordea ahaldundu eta indartzeko ekimenak garatzea eta dinamizatzea, tokian tokiko komunikazio plangintza bideratu eta ekimenak garatu, eta entitateen lanketa planifikatu eta garatu.
Hala, zenbait baldintza bete beharko dituzte postu horretara aurkezten diren kideek:
- Euskara maila ona izatea
- Urnieta ondo ezagutzea
- Euskaltzalea izatea eta euskalgintzaren ezagutza izatea
- Jendaurrean eta jendearekin harremanetarako gaitasuna izatea.
Bestalde, kontuan hartuko da:
- Komunikazio alorreko ezagutza
- Lanerako autonomia maila altua
- Ordutegi malgutasuna
Curriculumak eta motibazio gutunak aurkezteko bi modu daude: Lansarean webgunearen bidez, edota mikel@topagunea.eus helbidera mezua bidalita.