Behin obra amaituta, eraikinak hainbat erabilera izango ditu, solairu bakoitzaren arabera banatuta. Esaterako, tabernak beheko solairuan jarraituko du. Lehenengo solairuan elkarteen etxea egongo da: zenbait bulegoko gunea izango da, herriko eragileei begira. Bigarren solairua, aldiz, Denda Berri erretiratuen eta pentsiodunen elkarteentzat izango da. Hirugarren solairuak orain arteko erabilera berarekin jarraituko du, baina itxura berrituarekin.
Bide beretik, birgaitze-lanak direla eta, jubilatuen elkartearekin adostu ondoren, bere jarduera Berrasoetako aparkalekuan dagoen modulura lekualdatzea erabaki da, aldi baterako. Hala, uztailaren 1etik aurrera, bulego bat eta gune bat zituzten bertan, beren jardunarekin jarraitu ahal izateko.