Hizkuntzarekin lehen harremana dutenetatik beren euskara zorroztu nahi dutenera arte zuzendutako ikastaroa da.
Urnietako Udalak erroldatuentzako diru-laguntzak eskainiko ditu, ordaindutako matrikularen % 85 eta % 100 bitartekoak, beti ere 600 euroko mugarekin. HABEk ere (Helduen Alfabetatze eta Berreuskalduntze Erakundea) diru-laguntzak ematen ditu gainditu edo egiaztatu den maila bakoitzeko.
- A1 maila: 600 euro
- A2 maila: 800 euro
- B1 maila: 900 euro
- B2 maila: 1.000 euro
- C1 maila: 700 euro (1992an edo ondoren jaiotakoak) / 150 euro (1991n edo aurretik jaiotakoak)
- C2 maila: 100 euro
Hala, udalak iragarri du bere diru-laguntza osagarria dela, alegia, batetik, HABEren "diru-laguntza jasotzeko eskubidea duten herritarrei
ordaindutako matrikularen kostua estali arteko dirulaguntza eman nahi zaie", eta, bestetik, "HABErengandik diru-laguntza jasotzeko eskubiderik ez duten herritarrei ahalik eta diru-laguntzarik handiena eman nahi zaie.
AEKren matrikulazioa
Urnietako AEK euskaltegiak 22-23 ikastuteari hasiera emango dio urrian eta irailean zehar abian jarri du matrikulazio-kanpaina hilaren 30 arte. HABEren eta Urnietako Udalaren dirulaguntzak jasotzeko aukera. Izena emateko edo informazio gehiago: urnieta@aek.eus, 662 33 87 47 edo euskaltegian bertan (Errekalde kalea 1).