Udal-baliabide hau 65 urtetik gorako pertsonei dago zuzenduta, beren kabuz moldatu ezin direnei eta eguneroko zereginetan (janaria prestatzea, higiene pertsonala, etxea garbitzea…) familiaren laguntzarik ez dutenei. Sei apartamentuz osatutako ekipamendua udal-baliabidea izango da, eta etxe-funtzioa izango du, laguntzeko edota zaintzeko zerbitzu eta prestazioekin batera.
Etxebizitzekin batera, igogailua
Sei apartamentuak egokitzeko obrak urtea amaitu baino lehen hasi eta datorren urtean amaituko dira. Horrekin batera, igogailu bat ere egingo da, udalaren esanetan, herritar guztiei begira, "Idiazabal eta Errekalde kaleak lotuko dituena eta etorkizuneko etxeetarako irisgarritasuna bermatuko duena."