Arratsaldeko lehen partida, Guria Jatetxea taldeko jubenilek (gizonezkoak) jokatu zuten, Urola mendean hartuta (20-19). Urnietarrek lan gogorra egin behar izan zuten azken segundora arte, azken mementoan lortu baitzuten garaipenaren gol preziatua. Maila onean hasi dute liga, izan ere, Gipuzkoako Ligako sailkapeneko lehen postuetan kokatuta daude. Hala ere, lanean jarraitu beharko dute, maila handiko ligan parte hartzen ari direlako.
Arratsaldeko bigarren partida, Urnieta Kamox Precision Machining taldeko kadeteena (emakumezkoak) izan zen, baina hiru puntugatik galdu zuten (17-20). Ligako lehen garaipena lortu ez arren, urnietarrek aurrera egiteko gogo bizia erakutsi dute eta partidaz partida maila hobetzea espero dute.
Jubenilen garaipena eta kadeteen porrota, ostiraleko partidetan
Sanmielak izan arren, eskubaloiko bi taldek jokatu zuten iragan asteburuan. Bi partidak ostiralera aurreratzea erabaki zuten jaiak medio. Hala eta guztiz ere, asteburu gazi gozoa gorritxoentzat.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!